Germanııa turǵyndary qolyna Quran ustady
ASTANA. 3 qarasha. QazAqparat - Osnabrıýk ýnıversıteti janynan Islam teologııasy ınstıtýty ashyldy. Jańa bilim ordasy aldaǵy ýaqytta Mıýnsterdegi ortalyqpen tikeleı baılanys ornatpaqshy.
Osylaısha Germanııa turǵyndary ıslam dinin jan-jaqty oqýǵa, tanym-túsinigin qalyptastyrýǵa múmkindik aldy, dep jazady «Aıqyn» basylymy.
Osnabrıýkte bıylǵy qysqy semestrde alǵashqy 47 stýdent bilim alyp, mektepterde ıslam negizderin oqytýǵa atsalyspaqshy. Olar lektsııalar men semınarlarda ıslam tarıhyna qyzyǵýshylyq tanytyp, arab tilin oqyp, Qurandy tereń meńgerýge den qoıýda.
Federaldy úkimet ıslam ortalyǵyna 20 mıllıon eýro bólip, qasıetti dinimizdi damytýǵa nazar aýdaryp jatyr. Qazirdiń ózinde Osnabrıýk-Mıýnsterden basqa úsh jerde - Tıýbıngen, Frankfýrt-Gıssen jáne Erlangen-Nıýrnbergte ıslam dini boıynsha dárister oqytylýda.
Germanııada mektepterde Qurandy oqytý qolǵa alynysymen, osy salada oqytýshylarǵa suranys kóbeıgen. Muny birinshi bolyp Soltústik Reın-Vestfal federaldy ókimeti qolǵa alypty. Bul bastama basqa da federaldy óńirlerde qyzý qolǵa alynyp jatyr.
