Germanııa Taıaý Shyǵystan áskerin áketip jatyr

ASTANA. KAZINFORM - Germanııanyń Federaldyq armııasy Iran mańyndaǵy aımaqtan qosymsha áskerı kúshterdi shyǵaratynyn málimdedi, dep habarlaıdy Anadoly.

Federaldyq armııanyń baspasóz qyzmeti RedaktionsNetzwerk Deutschland (RND) medıajelisine joldaǵan habarlamasynda óńirdegi qaýipsizdik jaǵdaıyna baılanysty Iran tóńireginen qosymsha áskerı kontıngent shyǵarylatyny aıtylǵan.

Málimdemede sondaı-aq United Nations Interim Force in Lebanon (UNIFIL) quramyndaǵy nemis áskerı bólimderin keri qaıtarý týraly sheshim qabyldanǵany kórsetilgen.

Osy aqparatqa sáıkes, Erbıl qalasyndaǵy nemis áskerı kontıngenti aıtarlyqtaı qysqarǵan. Bahreın aýmaǵyndaǵy áskerı qyzmetkerler Germanııaǵa qaıtaryldy, al Kýveıttegi bólimshelerdi shyǵarý boıynsha daıyndyq jalǵasyp jatyr.

Sondaı-aq málimdemede Baǵdattaǵy Germanııa elshiliginiń qyzmetkerleri men áskerı mamandar Jordan aýmaǵyna ýaqytsha kóshirilgeni aıtylǵan.

Qazirgi ýaqytta óńirde, negizinen Iraq pen Jordanda shamamen 500 nemis áskerı qyzmetkeri bar.

Osyǵan deıin Germanııa SІM azamattaryn Irannan shuǵyl ketýge shaqyrǵan bolatyn.