Germanııa sý tasqynynan keıingi qalpyna keltirýge 10 mlrd eýro jumsaıdy
BERLIN. QazAqparat – Sý tasqynynan zardap shekken Germanııa óńirlerin qalpyna keltirýge kómek paketiniń kólemi 10 mlrd eýrony quraıdy, dep habarlaıdy QazAqparat Der Spiegel-ge silteme jasap.
Bul somany jarty-jartydan aımaqtar men federaldy bılik bóledi. Qajet bolǵan jaǵdaıda kómek paketi ulǵaıtylýy múmkin. Qarajat, basqalarmen qatar, kólik ınfraqurylymyn qalpyna keltirýge baǵyttalatyn bolady.
Eske sala keteıik, shilde aıynyń ortasynda Germanııanyń batysy men ońtústik-batysynda nóser jaýyp, saldary sý tasqynyna ákelgen bolatyn. Reın Ar men Mozeldiń salalary, sondaı-aq Zaýer, Prıým, Nıms, Kıl jáne Erft ózenderi arnasynan asty. Apat bolǵan barlyq eldi mekende qaza tapqandardyń jalpy sany 180 adamnan asty, 750-den astam adam zardap shekti.
