Germanııa sportshylary dopıng úshin túrmege qamalatyn boldy
ASTANA. QazAqparat - Germanııa depýtattary dopıng tutynǵany úshin sportshylardy jaýapkershilikke tartý týraly zań qabyldady. 2016 jylǵy 1 qańtardan bastap, nemis sportshylary tyıym salynǵan preparattardy tutynǵany úshin bir jylǵa bas bostandyǵynan aıyrylady, ne qomaqty aıyppul tóleıtin boldy, dep habarlady «RIA Novostı».
Sportshylarǵa tyıym salynǵan preparattardy jetkizgen adam 10 jylǵa deıin túrmege qamalýy múmkin. Jańa dopıngke qarsy zań 13 qarashada býndestagtaǵy koalıtsııalyq kópshilik daýysymen qabyldandy. Muny Ádilet mınıstri Haıko Maas, Іshki ister mınıstri Tomas de Mezer jáne Germanııanyń Olımpıadalyq sport konfederatsııasy maquldady.
