Germanııa SІM azamattaryn Irannan shuǵyl ketýge shaqyrdy

ASTANA. KAZINFORM – Germanııanyń Syrtqy ister mınıstrligi áskerı shıelenis qaýpiniń kúsheıýine baılanysty óz azamattaryn Iran aýmaǵynan dereý ketýge úndedi, dep habarlaıdy BILD.

Vedomstvonyń málimdeýinshe, yqtımal qaqtyǵys jaǵdaıynda konsýldyq kómek kórsetý múmkindigi aıtarlyqtaı shektelýi múmkin.

Sondaı-aq Iran bıligi qos azamattyǵy bar tulǵalarǵa qoldaý kórsetýge kedergi keltirýi yqtımal ekeni eskertilgen.

Budan bólek, tyńshylyq aıyptary taǵylý qaýpi jáne qamaýda ustaý jaǵdaılarynyń aýyr bolýy múmkin ekeni aıtylǵan.

Mınıstrlik dereginshe, kórshiles elderge baǵyttalǵan kommertsııalyq áýe reısteri ázirge saqtalyp otyr, sondaı-aq qurlyq arqyly shyǵý múmkindigi bar. Arnaıy daǵdarystyq tizimde qazirgi ýaqytta Iran aýmaǵynda júrgen birneshe júz Germanııa azamaty tirkelgen.

Germanııa SІM jaǵdaıdy «óte turaqsyz ári shıelenisti» dep baǵalap, áýe qatynasyna kenetten shekteý qoıylýy nemese áýe keńistiginiń jabylýy múmkin ekenin eskertti.

Buǵan deıin AQSh buqaralyq aqparat quraldary Prezıdent Donald Tramptyń Iranǵa qatysty yqtımal áskerı áreketter máselesi boıynsha aqparattandyrylǵanyn jazǵan edi. Alaıda túpkilikti sheshim ázirge jarııalanǵan joq.

Aıta keteıik, Pentagon usynǵan jobalardyń biri Irannyń joǵarǵy kóshbasshysyn joıýdy kózdeıdi.