Germanııa shırek ǵasyrda alǵash ret ásker sanyn kóbeıtedi
ASTANA.QazAqparat - Germanııanyń Qorǵanys mınıstri nemis sarbazdarynyń halyqaralyq is-qımyldarǵa jıi qatysyp júrgenin aıtyp otyr, dep jazady Bı-bı-sı.
Germanııanyń Qorǵanys mınıstrligi 1990 jyly eldiń birikken sátinen beri býndesverdiń birinshi ret keńeıtilgeli otyrǵanyn jarııalady.
GFR Qorǵanys mınıstri Ýrsýla fon der Lıaıen nemis áskeri sanynyń keńeıýi kelesi jeti jyl boıy júrgiziletinin aıtty. Osy ýaqytta onyń qataryn 14 myńǵa jýyq áskerı qyzmetker men 4,5 myń azamattyq qyzmetker tolyqtyrady.
Fon der Lıaıen ásker sanyn ósirý qajettiligin sońǵy jyldary býndesver áskerı qyzmetkerleriniń búkil álemdegi is-qımyldarǵa jıi qatysýymen túsindirdi. Atap aıtqanda, nemis sarbazdary men ofıtserleri NATO is-qımyldaryna qatysyp, Jerorta teńizinde bosqyndardy qutqarýmen aınalysty.
2011 jyly nemis áskeri sanyn kóbeıtý júıesin toqtatylǵan. Qazirgi kezde býndesverdiń sany - 177 myńǵa jýyq adamdy quraıdy.
1990 jyly Germanııany biriktirý kezinde GFR áskerı kúshteriniń kólemi azamattyq mamandarmen birge sanaǵanda 800 myń adamdy quraǵan. Odan keıingi jyldary elge tóngen qaýip-qater bolmaǵan soń býndesverdi turaqty túrde qysqartyp otyrǵan.
