Germanııa Shengen odaǵynan shyǵýy múmkin ekenin habarlady
ASTANA. QazAqparat - Germanııa bıligi Shengen aımaǵynan shyǵý týraly oılastyryp jatqany belgili boldy. Bul týraly GFR Іshki ister mınıstri Tomas de Mezer málim etti, dep jazady «Bı-bı-sı» agenttigi.
Mınıstr málimdemesin óte saqtyqpen oqydy. Ol: «Shengen saqtalady dep úmittenemin. Eýropa ortalyǵynda bolǵandyqtan, ony qoldaımyz. Bul biz úshin úlken artyqshylyq», - dedi. Alaıda Mezer EO músheleriniń barlyǵy birdeı shekaradan vızasyz ótý talabyn durys oryndamaı otyrǵanyn qadap aıtty.
«Bulaı bolǵanyn qalamaımyz, alaıda Germanııa eger zań buzyla beretin bolsa, óz ustanymyn bilediredi. Shengen aımaǵynyń tarqap ketýin joqqa shyǵara almaımyn», - dep jaýap berdi saıasatker jýrnalısterdiń saýalyna. Foto: Shutterstock
