Germanııa shekaradaǵy karantın sharalaryn kúsheıtti

NUR-SULTAN. QazAqparat – Germanııa koronavırýstyń jańa shtamynyń taralýynan qorǵanaý maqsatynda shekara qyzmetindegi karantındik sharalardy kúsheıtti. Bul týraly QazAqparat Euronews-qa silteme jasap habarlaıdy.

Germanııada jeksenbi kúnnen bastap shekaralyq aımaqta karantın sharalary kúsheıtildi. Atalǵan el Chehııamen shekaralyq baqylaý talaptaryn kúsheıtip, al Avstrııa federaldy aýmaǵyna kiretin Tırol jerimen baılanysatyn shekarasyn japty.

Eske salsaq, buǵan deıin Germanııada COVID-19 taralý ındıkatory turaqty túrde tómendeýde – sońǵy 7 kúnde 100 000 turǵynǵa shaqqanda 64,2 adamnyń indetti juqtyrý jaǵdaıy tirkelgeni týraly habarladyq. Bul kórsetkish 50-ge deıin tómendegen kezde epıdemııaǵa qarsy qatań karantındik sharalardy jeńildetpek.