Germanııa salafılerdiń jolyn kesti
ASTANA. 17 naýryz. QazAqparat - Germanııada salafı aǵymyna jatatyn úsh toptyń qyzmeti toqtatyldy. Nemis bıligi mundaı ıdeologııa eldiń demokratııalyq qundylyqtarymen sáıkes emes ekenin dáıektedi.
Sársenbide eldiń ishki ister mınıstrligi «DawaFFM», «Islamische Audios» jáne «An-Nussrah» dep atalatyn salafı uıymdarynyń qyzmetine tyıym saldy.
«Atalmysh toptar bizdiń qoǵamdy agressııalyq jolmen ózgertýge tyrysyp, demokratııalyq qundylyqtardy salafılerdiń ıdeologııasymen almastyrǵysy keldi»,- dep málimdedi ІІM basshysy G.Frıdrıh.
Onyń aıtýynsha, bul shara Angela Merkel basshylyq etetin ońshyl tsentrıstik partııanyń toleranttylyq pen ózara syılastyq negizinde Germanııadaǵy beıbit súıgish musylmandarmen qatynasty jaqsartý maqsatynda qolǵa alǵan jobanyń bir bóligi bolyp tabylady.
Onislam.net-tiń habarlaǵandaı, salafıler Germanııa Federatıvti Respýblıkasynyń turǵyndaryna qasıetti Qurandy taratamyz degen jeleýmen ótken jyly el aýmaǵyna engen eken.
muslim.kz saıtynyń jazýynsha, resmı málimet boıynsha Germanııada 4 myńǵa jýyq salafı bar. Sońǵy jyldary musylman elderinen kelgen ımmıgranttardyń qatary edáýir artqandyqtan nemister saqtyqty kúsheıtti.
