Germanııa reseılik gazsyz 2,5 aı shydaı alady - GFR bıligi

BERLIN. QazAqparat – Germanııanyń Federaldy jelilik agenttiginiń basshysy Klaýs Mıýller el osy qysta eki jarym aı boıy reseılik gazsyz ómir súrýi múmkin ekenin aıtty, dep habarlaıdy QazAqparat Deutsche Welle-ge silteme jasap.

Energetıka mınıstrligi ókiliniń aıtýynsha, Germanııadaǵy gaz jaǵdaıy turaqty. Biraq tutynýshylar úshin onyń baǵasy úsh ese ósedi dep boljanýda.

Germanııa beısenbide tótenshe gaz josparynyń ekinshi kezeńine ótti, bul gaz tasymaldaýshylardyń joǵary shyǵyndardy tutynýshylarǵa aýdarýyna múmkindik beredi. Biraq tek nemis energetıkalyq agenttiginiń resmı maquldaýymen ǵana bolady.

K. Mıýller eger Germanııa jospardyń úshinshi kezeńine ense, bul eldiń gaz ónerkásibi úshin túbegeıli saldarǵa ákeletinin atap ótti. Bul kezeńde Federaldy jeli agenttigi gazdy energetıkalyq kompanııalarǵa qaraǵanda jeke úı sharýashylyqtarynyń paıdasyna taratady.

Germanııa jáne EO-ǵa múshe basqa memleketter Reseı munaıyna embargo engizgenimen, Berlın Reseı gazyn ımporttaýǵa tyıym salýdan bas tartty.

Óziniń energetıkalyq strategııasyn reseılik kózderden ártaraptandyrý úshin Germanııa jaqynda Qatarmen gaz seriktestigine qol qoıdy. GFR, sonymen qatar ekologııalyq máselelerge qaramastan ózin-ózi qamtamasyz etý úshin kómirmen jumys isteıtin elektr stantsııalaryn iske qosýda.