Germanııa prokýrory: Aıgúl Saılybaeva isi boıynsha eshkim ustalǵan joq
ASTANA. KAZINFORM — Burynǵy qazaqstandyq sýdıa Aıgúl Saılybaevanyń ólimine qatysty qylmystyq is boıynsha tergeý amaldary jalǵasyp jatyr. Bul týraly Germanııanyń Darmshtadt qalasy prokýratýrasynyń aǵa prokýrory málimdedi.
— Búgingi kúnge deıin Germanııa Federatıvtik Respýblıkasynyń aýmaǵynda da, odan tys jerlerde de osy iske baılanysty eshqandaı adam ustalǵan joq. Tergeýdiń qupııalylyǵy men júrgizilip jatqan is-sharalardyń tıimdiligin saqtaý maqsatynda ázirge alda atqarylatyn tergeý áreketteri týraly qosymsha aqparat bere almaımyn, — dedi Darmshtadt qalasynyń aǵa prokýrory agenttik joldaǵan saýalǵa bergen jaýabynda.
Onyń aıtýynsha, atalǵan is boıynsha tergeý jumystary jalǵasyp jatyr.
Sondaı-aq qazirgi ýaqytta bul is aıasynda Reseı Federatsııasynyń quzyrly organdarymen ózara is-qımyl júrgizilmeıtini belgili boldy.
Aıta keteıik, advokat Janna Ýrazbahova Aıgúl Saılybaeva isi boıynsha kúdiktilerdiń ustalǵany týraly aqparatty joqqa shyǵarǵan edi.
