Germanııa Prezıdenti Horst Keler otstavkaǵa ketti
ASTANA. Maýsymnyń 1-i. QazAqparat - Germanııa Prezıdenti Horst Keler Aýǵanstandaǵy halyqaralyq bitimgershilik mıssııasynda býndesverdiń atsalysýyna qatysty aıtqan óz sózine baılanysty otstavkaǵa ótinish berdi. Bul týraly memleket basshysy dúısenbi kúni málim etti, dep habarlaıdy ITAR-TASS agenttigi.
GFR Prezıdenti óz málimdemeleriniń birinde nemis áskerı kontıngentiniń Aýǵanstandaǵy mıssııasyn «Germanııanyń ekonomıkalyq múddesin qamtamasyz etý» ýájimen negizdegen bolatyn. Osy málimdeme eldiń ishinde ótkir pikirtalas týǵyzyp otyr.
Horst Kelerdiń otstavkasy Germanııada úlken rezonans týǵyzyp otyr. Oǵan Germanııanyń jetekshi saıasatkerleriniń málimdemeleri dálel. Atap aıtqanda, kantsler Angela Merkel Horst Kelerdiń málimdemesin úlken ókinishpen qabyldady. Keshe Berlınde sóılegen sózinde kantsler, prezıdentpen bolǵan telefon áńgimesiniń barysynda ony raıynan qaıtarýǵa tyrysqanyn, «biraq, ókinishke oraı, onysynan eshteńe shyqpaǵanyn» málim etti. Ekonomıkalyq jáne qarjy daǵdarysy kezeńinde Horst Keler jaqsy keńesshi bola bildi, dedi federaldyq kantsler óz sózinde.
Vıtse-kantsler jáne syrtqy ister mınıstri Gıdo Vestervelle, Horst Kelerdiń otstavkasy týraly estigen kezde, «tóbesinen jaı urǵandaı» sezimde bolǵanyn aıtýda. Jaǵdaı ári qaraı «bizdiń konstıtýtsııamyzdyń baptaryna sáıkes» órbıtin bolady, dep sendirdi Vestervelle myrza.
