Germanııa polıtsııasy bir qoly joq azamattan negizsiz aıyppul úshin keshirim surady
ASTANA. QazAqparat - Germanııa polıtsııasy bir qoly joq azamattan negizsiz aıyppul úshin keshirim surady. Polıtsııa qyzmetkerleri múmkindigi shekteýli azamatqa velosıpedinde zańmen bekitilgendeı eki jyldamdyq tejegishi bolmaǵandyǵy úshin aıyppul jazǵan eken.
Quqyqqorǵaý organy bul oqıǵa ótken soń úsh aıdan keıin Bogdan Ioneský esimdi azamatqa 25 eýro aqshasyn qaıtaryp berip, ózderiniń tarapynan aǵattyq ketkenin moıyndaǵan. Bir qoly joq múgedek velosıpedinde ekinshi tejegish bolǵan kúnde de qolynyń joqtyǵynan ony paıdalana almas edi.
Ioneský jergilikti gazetke eki-úsh apta boıy bolǵan jaǵdaı oǵan qatty áser etkenin aıtypty. Ol saqshylardyń bul áreketinen biraz kúızeliske dýshar bolǵan kórinedi. Biraq, keıin polıtsııa jaǵdaıdy túsinip, jarymjan azamattyń qarjysyn qaıtaryp bergen jáne óz qatelerin moıyndap, keshirip suraǵan.
