Germanııa Parlamenti qorǵanys shyǵyndaryn ulǵaıtý týraly tarıhı sheshim qabyldady

ASTANA. KAZINFORM – Býndestag Frıdrıh Mertstiń qorǵanys pen ınfraqurylymǵa mıllıardtaǵan eýro bólý josparyn maquldady. Qujat 513 daýys jınady (qajettisi – 489), dep habarlaıdy Euronews.

Endi zań jobasy 21 naýryzda Býndesratta daýys berýden ótýi kerek.

Qujatqa sáıkes, JІÓ-niń 1%-ynan asatyn qorǵanys shyǵyndary budan bylaı «qaryz tejeý» erejesine jatpaıdy. Buǵan deıin bul shekteý 0,35% JІÓ deńgeıinde bolǵan.

Buǵan deıin Merts «jasyldar» partııasymen memlekettik qaryzǵa qoıylǵan shekteýlerdi tek qorǵanys úshin ǵana emes, sonymen qatar azamattyq qorǵanys pen barlaý salasy úshin de jumsartý týraly kelisimge kelgen edi. Sondaı-aq, ol ınfraqurylym qorlarynyń bir bóligin klımatty qorǵaýǵa baǵyttaýǵa kelisti.

Frıdrıh Merts koalıtsııalyq kelissózderdi katolıkterdiń Pasha meıramy qarsańynda, ıaǵnı 20 sáýirge deıin aıaqtaýdy josparlap otyrǵanyn málimdedi.

Germanııada partııalar koalıtsııalyq kelissózderdi bastaýǵa kelisti.