Germanııa ótken jyly bosqyndar sany úsh esege azaıǵanyn habarlady
ASTANA. QazAqparat - GFR-ǵa 2016 jyly kelgen bosqyndar sany 280 myńdy qurady. Bul bir jyl burynǵyǵa qaraǵanda, úsh ese kem. (890 myń). Bul týraly eldiń ІІM basshysy Tomas de Mezer habarlady, dep jazady Spiegel Online.
«Bul Eýropalyq odaqtyń federaldyq úkimeti men bıligi qabyldaǵan sharalar jetkilikti ekenin bildiredi», - dedi mınıstr.
Ol Túrkııamen kelisim jáne «Balqan baǵytynyń» jabylýy bosqyndar aǵynyn baqylaýǵa alýǵa kómekteskenin atap ótti.
Mezerdiń aıtýynsha, bosqyndardyń basym bóligi sırııalyqtar. Aýǵanstan, Irak, Albanııa, Erıtreıa elderinen de bosqyndardyń toptary bar.
2016 jylǵy sáýirde nemis ІІM basshysy Italııaǵa Jerorta teńizi arqyly Soltústik Afrıka elderinen jańa baǵyt boıynsha bosqyndar jappaı keletinin boljaǵan.
Buǵan deıin bir aı buryn Túrkııa men Eýropa Odaǵy kelisimge keldi. Oǵan sáıkes Ankarada kóshi-qon aǵynyn ustaýǵa 3 mıllıard eýro bólinedi. Túrkııaǵa munyń ornyna Eýroodaqqa kirý kelissózderin jedeldetýge jáne EO-ǵa qysqamerzimdi sapar úshin vızasyz rejim usynýǵa ýáde berdi.
2015 jyly EO-da bosqyndardyń aǵylyp kelýinen daǵdarys oryn aldy, Halyqaraly kóshi-qon uıymynyń derekterine sáıkes, bir jylda Eýropaǵa mıllıonnan astam bosqyndar kelgen, dep jazdy búgin Lenta.ru.
