Germanııa Orazada musylmandardy salyqtan bosatty
ASTANA. QazAqparat - Ramazan aıynda Germanııadaǵy ıslam naryǵy men meıramhanalary qojaıyndary salyqtan bosatylady, dep habarlaıdy Daily Times-qa siltememen maturidi.kz.
Salyq jeńildikteri týraly jarlyqqa qol qoıǵan Germanııa kantsleri Angela Merkel bul shara Oraza kezinde musylmandar úshin azyq-túlik baǵalarynyń baǵasyn tómendeýge baǵyttalǵanyn atap aıtty.
Ol ártúrli konfessııa ókilderimen kezdesý barysynda dinderge ortaq baǵa berilýi tıistigin jetkizdi. Sondaı-aq, Germanııa musylmandarynyń basym bóligi el Konstıtýtsııasyn qurmetteıtin sanaly azamattar ekenin eskerte ketti.
Eske salsaq, ótken jylǵy Ramazanda Angela Merkel Berlınde ótken musylman qaýymynyń aýyzashar keshine qatysyp, eýropa halqynan ıslam dini men musylmandarǵa qurmet kórsetýge shaqyrǵan bolatyn. Ol musylmandardy «Germanııanyń bólinbes bólshegi» dep baǵalady.
