Germanııa Mysyrdaǵy tártipsizdikterde zardap shekkender úshin 500 myń eýro kómek bóldi
ASTANA. 4 aqpan. QazAqparat - Germanııanyń Syrtqy ister mınıstrligi Mysyrdaǵy ýshyqqan ishki saıası ahýalǵa baılanysty Qyzyl krest Halyqaralyq komıtetine 500 myń eýro bóldi.
Qarajat tártipsizdikter saldarynan zardap shekken halyqqa kómek kórsetýge arnalǵan, dep habarlaıdy RBK. Halyqaralyq "Qyzyl Krest jergilikti gýmanıtarlyq uıymdarǵa qoldaý kórseted"i, - dep atap ótiledi GFR SІM-niń málimdemesinde. Olar, atap aıtqanda, gospıtaldardy dári-dármekpen jáne medıtsınalyq qural-jabdyqpen qamtýmen aınalysady. Odan bólek, Qyzyl Krest óz mandatyna sáıkes halyqaralyq gýmanıtarlyq standarttardy saqtaýdy jáne tutqyndardyń quqyǵyn qamtamasyz etýdi júzege asyrady. Qyzyl Krest ókilderi jergilikti bılikpen, áskerılermen jáne azamattyq qoǵam ókilderimen turaqty baılanystardy qoldap otyrady.
