Germanııa men Kanada ushaqtarynyń ushý qaýipsizdigi erejelerine ózgerister engizýde
ASTANA. QazAqparat - Germanııa men Kanada ushaqtarynyń ushý qaýipsizdigi erejelerine ózgerister engizilgeni jaıly málim etti. Jańa ereje boıynsha ushqyshtar kabınasynda kem degende eki adam únemi bolýy tıis, dep jazady BBC.
Germanııanyń áýe tasymaldaýshylary qaýymdastyǵy eldiń barlyq avıakompanııalarynyń (onyń ishinde Lufthansa jáne Germanwings te bar) osy erejeni engizýge keliskenderi týraly málim etti. Qaýymdastyq ókiliniń aıtýynsha, bul ereje birden qoldanysqa engizile bastamaq.
Ári, atalmysh elderdiń bılik oryndary barlyq áýe kompanııalaryn osy erejelerdi saqtaýǵa mindettemek. Esterińizge sala keteıik, Germanwings áýe kompanııasynyń Airbus A320 ushaǵy seısenbi kúni apatqa ushyraǵan. Saldarynan 150 adam qaza tapty.
