Germanııa men Frantsııada jańa prezıdentter saılanady
ASTANA. QazAqparat - Angela Merkel resmı túrde bıleýshi koalıtsııa atynan prezıdent laýazymyna Frank-Valter Shtaınmaıerdi usyndy, dep habarlaıdy Vestı.rý.
Saltanatty rásim Berlınde ótti. Saıasatkerlerdiń aıtýynsha, SІM basshysy saıasatta turaqtylyq ornatýy tıis. Merkel onyń el ishi men shet elderde bedeli joǵary ekenin jáne eń bastysy ymyrashyl ekenin atap ótti. Saılaý 2017 jyldyń aqpan aıynda ótedi.
Frantsııa prezıdenttigine de jańa kandıdat bar - ol burynǵy ekonomıka mınıstri Emmanýel Makron.
2014-2016 jyldary ekonomıka mınıstri bolǵan E.Makron Fransýa Ollandpen arazdasyp, otstavkaǵa ketken. Makron burynǵy ádister esh tıimsiz bolǵandyqtan, saıası júıeni qaıta qalypqa keltirip, qoǵam modelin ózgertkisi keletinin málimdedi. Saılaýǵa taǵy kimder túspek? Taǵy da Fransýa Olland, «Ulttyq front» kóshbasshysy Marın Le Pen jáne burynǵy memleket basshysy Nıkolıa Sarkozı prezıdenttikten úmitti.
