Germanııa men Frantsııa birigip jańa joıǵysh ushaq jasap shyǵarmaq
BRıÝSSELЬ. QazAqparat - Germanııa men Frantsııa birigip Eurofighter Typhoon jáne Rafale jaýyngerlik ushaqtarynyń ornyn basatyn jańa joıǵysh ushaqtarǵa qajet negizgi talaptardy maquldady, dep habarlaıdy «QazAqparat» HAA-niń menshikti tilshisi Euractiv jýrnalyna silteme jasap.
Sársenbi kúni eki eldiń resmı tulǵalary Berlındegi ILA Berlin Air Show avıasalonynda arnaıy qujatqa qol qoıady. Bul týraly ótken jyldyń shilde aıynda Germanııa kantsleri Angela Merkel men Frantsııa prezıdenti Emmanýel Makron aıtqan bolatyn.
Jańa ushaq ózdiginen nemese jerden basqarylatyn qasıetterinen basqa shabýyl jáne qorǵanys operatsııalaryn júzege asyra alady.
Joıǵysh ushaqty jasaýdaǵy basty maqsat - úsh báskeles baǵdarlama, ıaǵnı Rafale men Eurofighter shvedtiń Gripen kompanııalarynyń basyn biriktirýge qadam jasaý.
Sonymen qatar Germanııa men Frantsııa teńiz ústin baqylaıtyn jańa ushaqtyń jabasyn daıyndaý boıynsha kelisimge qol qoımaq.
