Germanııa quramasynyń bas jattyqtyrýshysy: Biz Qazaqstanmen ótetin matchta 6 upaı enshileýge nıettimiz
ASTANA. 22 naýryz. QazAqparat - Germanııa quramasynyń bas jattyqtyrýshysy Ioahım Lev Qazaqstan quramasymen nemister arasynda ótetin búgingi matchqa oraı komandasynyń daıyndyǵy týraly baıandap berdi, dep habarlaıdy Vesti.kz.
«Biz uzaqqa sozylǵan úzilisten keıin aldaǵy oıynǵa qarqyndy daıyndyq júrgizdik. Árıne, bizdiń maqsat - týrnırdegi ózimizdiń pozıtsııamyzdy nyǵaıtý úshin 6 upaı alý jáne qalǵan matchtarǵa daıyndalý. Oıynshylar optımıstik kóńil-kúıde. Quramada problema boldy, 20 oıynshy, 3 qaqpashynyń túrli sebeptermen úsheýimen qosh aıtysyp, 17 adam qaldyq. Degenmen, men eshkimdi shaqyrmaýǵa sheshim qabyldadym. Óıtkeni oıynshylarymyz nátıje kórsetýge qabiletti. Eger qajet bolsa, men taǵy oıynshylar shaqyramyn, barlyǵy úshin de esigimiz ashyq», - dedi ol.
Sondaı-aq ol Qazaqstan quramasynyń oıyn órnegine qatysty da óz pikirin bildirdi. «Meniń bilýimshe, Qazaqstan quramasy bul «Astana» fýtbol klýbymen shetelde oınaıtyn 2-3 oıynshy. Qatelesýim de múmkin. Ulttyq quramaǵa qatysty aıtar bolsam, sońǵy 2 jylda komanda kúsheıip, jaqsy oınaıtyn boldy. Men quramanyń Irlandııamen, Avstrııamen oıynyn DVD-dan kórdim. Qazaqstannyń qorǵanysta jaqsy oınaıtyndyǵyn aıta alamyn. Biz Qazaqstannan qoryqpaımyz, biraq olardy qurmetteımiz», - dedi I.Lev.
Esterińizge sala keteıik, Álem chempıonatynyń irikteý týrnıri aıasynda búgin elordada Qazaqstan men Germanııa quramalary kezdesedi. Oıyn túngi saǵat 12-de bastalady.
