Germanııa koronavırýsty tegin tekserý testin ótkizbeıtin boldy
BERLIN. QazAqparat – Germanııa 11 qazannan bastap óz azamattary úshin koronavırýsty tegin tekserý testterin ótkizbeıtin boldy, dep habarlaıdy QazAqparat Euronews aqparat agenttigine silteme jasap.
El bıligi bul qadamǵa adamdardy vaktsına saldyrtýǵa túrtki bolýy úshin bardy. Shekteý densaýlyǵyna baılanysty ekpe saldyrta almaıtyndarǵa qatysy joq. Germanııada naýryz aıynda bastalǵan vaktsınalaý qarqyny mardymsyz boldy, sońǵy aptalarda tipti baıaýlady.
Al vaktsınalaý deńgeıi el boıynsha eń tómen bolǵan shyǵystaǵy Tıýrıngııada ekpe saldyrtqandardyń barlyǵyna grılde pisirilgen shujyq taratylyp jatyr.
Ulybrıtanııa turǵyndary arasynda vaktsınanyń tıimdiligine qatysty teris pikir bar. El bıligi eresek turǵyndardyń koronavırýsqa qarsy preparattyń eki dozasyn saldyrtý mejesin qalypty ómirge oralý jolyndaǵy mańyzdy qadam dep otyr.
Óz kezeginde Lıtva turǵyndary vaktsına saldyrǵandardy marapattaýǵa qatysty narazylyq bildirdi. Vılnıýs bıligi qarsylyq tanytqandarǵa qatysty jańa shekteýler engizýdi josparlap otyr. Atap aıtqanda, qyrkúıektiń ortasynan bastap ekpe saldyrtpaǵandar koronavırýs juqtyryp alý jaǵdaıynda tegin emdelý quqyǵynan aıyrylady.
Osy arada, 300-ge jýyq erikti medıtsına qyzmetker teńizge qaraı jol júrip jatyr. Olar Martınıkıka men Gvadelýpaǵa ulttyq tilektestik rýhyn qoldap, juqtyrý oqıǵalary sanynyń ósýimen kúres júrgizýge baratyndaryn aıtty. Frantsııanyń teńiz aýmaqtary COVID-19 vırýsynyń jańa tolqynymen barynsha kúres júrgizip jatyr.
