Germanııa Qazaqstannan munaı eksportyn eki ese arttyrýdy surap otyr - energetıka mınıstri

ALMATY. KAZINFORM - Germanııa Qazaqstannan jetkiziletin munaı kólemin arttyrýdy surap otyr. Bul týraly 29-shy qazaqstandyq halyqaralyq «Munaı jáne Gaz» kórme men konferentsııasy barysynda energetıka mınıstri Almasadam Sátqalıev aıtty.

«Qazaqstan jyl sońyna deıin Germanııaǵa 1,2 mıllıon tonna munaı eksporttaıdy. Germanııa tarapynan munaıdyń jalpy kólemin 2,5 mıllıon tonnaǵa deıin arttyrý týraly ótinish tústi», - dedi Almasadam Sátqalıev.

Osyǵan deıin Memleket basshysy Ortalyq Azııa memleketteri basshylary men Germanııa Federaldyq kantsleriniń kezdesýi barysynda Qazaqstan nemis naryǵyna munaı eksportyn arttyrýǵa ázir ekenin jetkizgen bolatyn.

Aıta keteıik, buǵan deıin «Baıtaq» partııasy tóraǵasynyń orynbasary qyzmetine kirisken Oleg Pak munaı óndirýshi kompanııalarmen jasalǵan kelisimsharttardyń shartyn ashý máselesin kótergen edi.