Germanııa Qazaq-nemis ýnıversıtetine 14 mln. eýro bólýge daıyn - GFR Syrtqy ister mınıstri
A. Aqpannyń 2-si. QazAqparat /Qanat Mámetqazyuly/ ‑ Germanııa Qazaq-nemis ýnıversıtetine 14 mln. eýro bólýge daıyn. Búgin QR Parlamenti Májilisiniń Tóraǵasy Oral Muhamedjanovpen kezdesýi barysynda GFR Syrtqy Іster mınıstrligi Memlekettik mınıstri Kornelııa Pıper hanym osylaı málim etti,
dep habarlaıdy QazAqparat.
Júzdesý barysynda K. Pıper hanym Májilis Tóraǵasynan Qazaq-nemis ýnıversıtetiniń múmkindikterin keńeıte túsýge qatysty qoldaý bildirse degen nıetin jetkizgen bolatyn. «Birlesken memlekettik ýnıversıtetti damyta túsý josparyna oraı Germanııa tarapy oqý ornyna 14 mln. eýro bólýge daıyn. Endigi kúni biz Qazaqstan Parlamenti tarapynan da qoldaýlar bolsa dep kútemiz. Bul ásirese, Qazaq-nemis ýnıversıtetiniń jyljymaıtyn múlikterine, jer ıelikterine qatysty kelisimderge baılanysty bolyp otyr», dedi mınıstr hanym.
Óz kezeginde Májilis Tóraǵasy O. Muhamedjanov kóterilgen máseleni ekijaqty mádenı baılanystar úshin mańyzdy bolatynyn aıta kele, aldaǵy ýaqytta ýnıversıtetke qatysty másele tolyq sheshim tabýy múmkindigin jetkizdi.
