Germanııa kantsleri men QHR Premeriniń kelissózderi ekonomıkalyq jáne saıası máselelerge arnaldy
ASTANA. Shildeniń 16-y. QazAqparat - Búgin tańerteń GFR kantsleri Angela Merkel jáne QHR Premer-mınıstri Ven Dzıabao ekonomıkalyq jáne saıası taqyryptarǵa negizdelgen kelissózder júrgizýdi bastady, dep habarlaıdy «Sınhýa».
Germanııa kantsleri qyzmetin atqarǵaly beri A.Merkel Qytaıǵa osymen tórtinshi ret kelip otyr.
GFR kantsleri QHR-ǵa tórt kúndik resmı saparmen beısenbi kúni túnde keldi. Sapar barysynda ol, Qytaı prezıdenti Hý Tszıntao jáne vıtse-prezıdent Ksı Djınpınmen kezdesedi.
A.Merkel Beıjińnen basqa Qytaıdyń Shansı provıntsııasynyń soltústik-batysyndaǵy Ksıan qalasyna da barady. Merkel óz ókilettigin 2009 jyly uzartqan GFR-diń birinshi áıel-kantsleri boldy.
QHR saparynan keıin A.Merkel shildeniń 18-inde Qazaqstanǵa keledi.
