Germanııa ınvestıtsııasy shıkizattyq emes sektorǵa quıyldy - vıtse-mınıstr Erlan Qaıyrov
ASTANA. QazAqparat - Astanada Qazaqstan men Germanııa saýda-ekonomıkalyq yntymaqtastyq jónindegi úkimetaralyq jumys tobynyń kezekti otyrysy ótti, dep xabarlaıdy QazAqparat tilshisi.
QR Investıtsııalar jáne damý vıtse-mınıstri Erlan Qaıyrovtyń aıtýynsha, sońǵy on eki jyldyń ishinde Germanııa elimizdiń ekonomıkasyna 4 mlrd dollardan astam qarjy quıdy. "Ol aqshanyń 90 paıyzy shıkizattyq emes sektorǵa baǵyttaldy. Búgingi otyrysta biz naqty jobalardy qarastyrdyq. Bizde 60-tan astam ortaq jobalar bar. Sonyń jalpy somasy 5 mlrd dollardan asady. Al bizdiń, ıaǵnı úkimetaralyq jumys tobynyń basty maqsaty - sol jobalardyń sátti iske asýyna jaǵdaı jasaý", - deıdi Qaıyrov.
Vıtse-mınıstrdiń sózine qaraǵanda, Qazaqstan men Germanııanyń ortaq jobalary mashına jasaý, aýyl sharýashylyǵy, xımııa, munaı xımııasy jáne taǵy basqa salalardy qamtıdy "Mashına jasaý salasy jaıynda aıtar bolsaq, búginde aýyr mashına jasaý salasynda ortaq jobalardy iske asyrýǵa qyzyǵýshylyq bar. Budan bólek, temirjol qatynasynda da birlesken sharalar júrgizý kózdelgen. Germanııada jańa texnologııalar kóptep shyǵarylady. Ony bárimiz jaqsy bilemiz. Dál sol texnologııalardyń Qazaqstanǵa kelgeni kerek. Sosyn osy jerde óndirilgen taýarlardyń eksportqa shyqqany mańyzdy", - dep atap kórsetti Qaıyrov.
Aıta keteıik , kúni keshe Qazaqstanǵa Germanııa prezıdenti Frank-Valter Shtaınmaıer resmı saparmen kelgen bolatyn. Memleket basshysy Nursultan Nazarbaev mártebeli meımandy Aqordada qabyldady. Shtaınmaıerdiń sapary aıasynda eki eldiń iskerlik keńesiniń otyrysy da uıymdastyryldy. Sol jerde jalpy somasy 1 mlrd teńgege baǵalanǵan 21 kelisimge qol qoıyldy.
