Germanııa halqy soǵys kezindegi qaýipti qaıta sezindi
BRıÝSSELЬ. QazAqparat - Germanııanyń Gannover qalasynda Ekinshi dúnıejúzilik soǵys kezinde jarylmaı qalǵan bomba tabylyp, qalanyń 30 myńnan astam turǵyny qaýipsiz jerge shyǵaryla bastady.
Qala turǵyndary úılerine tek, bomba zalalsyzdandyrylǵannan keıin ǵana orala alady. Jergilikti BAQ-tyń habarlaýynsha, 70 jyl jer astynda jatqan salmaǵy 250 keli bolatyn bombany eski Joǵarǵy oqý oryny ǵımaratyn súrý kezinde tapqan. Onyń tehnıkalyq jaǵdaıyn mamandar ázirge baǵalaı alǵan joq. Germanııada qurylys jumystary kezinde soǵys kezinen qalǵan bombalar jıi tabylady. Tarıhı derekter boıynsha, Gannover qalasy odaqtastardyń negizgi nysanasy bolyp, qalaǵa sol kezde júz myńǵa jýyq bomba tastalǵan.
