Germanııa gýmanıtarlyq vızalar berýdi ýaqytsha toqtatty

ASTANA. KAZINFORM — Germanııa Іshki ister mınıstrliginiń resmı saıtynda jarııalanǵan málimetke sáıkes, qazirgi ýaqytta gýmanıtarlyq qabyldaý rásimderi ýaqytsha toqtatylǵan, dep jazady DW.

Bul ózgeriske «Kovcheg» jobasy nazar aýdardy.

Gýmanıtarlyq vıza alýǵa úmitkerler qataryna Sırııa, Aýǵanstan, Iran elderiniń azamattarymen qatar, Reseı men Belarýs pasporttarynyń ıeleri de kiredi. Bul azamattar soǵys jaǵdaıynda nemese demokratııalyq ustanymdary men rejımge qarsy kózqarastary úshin qaýipke ushyraýy múmkin.

«Kovcheg» jobasynyń derekterine súıensek, sońǵy úsh jylda shamamen 3 myń reseılik azamat saıası sebeptermen qýdalaýǵa ushyraý qaýpi bolǵandyqtan gýmanıtarlyq vıza alǵan.

Alaıda jobada atap ótilgendeı, vızalar berý protsesiniń toqtatylýy Germanııada gýmanıtarlyq vıza arqyly júrgenderge áser etpeıdi. Olar úshin turýǵa ruqsatty sozý rásimderi ádettegideı jalǵasyp jatyr.

Buǵan deıin Germanııa elde ulttyq qorǵanysty kúsheıtip, kóbirek rezervısterdi daıarlaý maqsatynda alty aılyq erikti áskerı qyzmetti engizýdi josparlap otyrǵanyn jazǵan edik.