Germanııa elshisi qostanaılyqtarǵa aǵaıyndy Grımmder mýzeıinen kórme usyndy
ASTANA. QazAqparat - Qostanaıǵa Germanııa Federatıvtik Respýblıkasynyń Qazaqstandaǵy Tótenshe jáne Ókiletti elshisi Rolf Mafaeldiń sapary eki el arasyndaǵy dıplomatııalyq qarym-qatynastyń 25 jyldyǵyna baılanysty boldy.
Ataýly jyldyń qurmetine elshi Rolf Mafael oblystyq tarıhı-ólketaný mýzeıinde aǵaıyndy Grımmderdiń nemistiń Kassel qalasyndaǵy mýzeıinen kórme uıymdastyrdy, dep jazady egemen.kz .
Onda ertekshilerdiń shyǵarmashylyǵy, ómirbaıany týraly materıaldar, shyǵarmalarynan sýretter qoıylǵan, HІH ǵasyrdaǵy Grımmder kitaby kórsetilgen.
Atalǵan kórme osyǵan deıin Reseıde, Qazaqstannyń Óskemen, Semeı qalalarynda kórsetilgen. Kórmeni uıymdastyrýǵa nemisterdiń Qostanaı oblysyndaǵy «Vozrojdenıe» mádenı ortalyǵy da atsalysty. Olar kórmeni oblystaǵy nemis ultynyń ókilderi turatyn Taran jáne Qostanaı aýdandarynan ákelingen jádigerlermen tolyqtyrdy. Olar kórmeniń ashylýymen birge aldaǵy kele jatqan Rojdestvo qurmetine dastarhan jaıyp, nemis ultynyń dástúrin kórsetti.
«Nemister Rojdestvoǵa júzbeden túrli taǵamdar daıyndaıdy. Nemister ishetin, 12 túrli shóp pen jıdekterden jasalatyn sharaptan kelgender aýyz tıdi», deıdi «Vozrojdenıe» nemis mádenı ortalyǵynyń tóraıymy Elena Shık.
Aǵaıyndy Grımmder kórmesin qostanaılyqtar bir aı boıy tamashalaıdy. Kórmeniń ashylý saltanatynan keıin elshi jýrnalısterge arnap baspasóz máslıhatyn ótkizdi, onda eki el arasyndaǵy qarym-qatynas týraly aıtyp berdi.
