Germanııa eline qaıtqysy keletin mıgranttarǵa aqsha bermek
ASTANA. QazAqparat - GFR bıligi zańsyz mıgranttardy elderine deportatsııalaıtyn qymbat protsedýradan ishinara bas tartý týraly sheshim qabyldady. Bul týraly Belta habarlady.
Endi Germanııa aýmaǵynan óz erkimen ketetinderge 6 myń eýro tólenetin bolady. Bul qarjylyq yntalandyrý sharasy birinshi kezekte baspana alý týraly ótinishteri qabyldanbaǵan adamdarǵa, sondaı-aq balalary bar otbasylarǵa baǵyttalǵan.
GFR Іshki ister mınıstri Tomas de Mezer ótemaqy alý úshin Germanııadan aqpan aıyna deıin ketý kerektigin málimdedi.
Qazirgi ýaqytta Germanııa aýmaǵynda 115 myńǵa jýyq zańsyz kóship kelýshiler bar. Bılik olardyń 80 myńǵa jýyǵyna Germanııanyń aýmaǵynda jeke nemese saıası sebepter boıynsha qalýǵa ruqsat berýge daıyn. 35 000 bosqyndar elden shuǵyl ketýi qajet.
2017 jyly GFR bıligi 19,5 myń bosqyndy deportatsııalaǵan.
