Germanııa ekonomıkasynyń damý kórsetkishi rekordtyq deńgeıge jetti
ASTANA. QazAqparat - 2016 jyldyń tórtinshi toqsanynda Germanııa ekonomıkasy óziniń ósý qarqynyn joǵarylatty. Qazan men jeltoqsan aılary aralyǵynda GFR-dyń ishki jalpy ónim kólemi shilde men qyrkúıek aıyndaǵy kórsetkishpen salystyrǵanda 0,4 paıyzǵa ósti.
2016 jyl boıyna ekonomıkanyń ósimi 1,9 paıyzǵa jetip, sońǵy 5 jyldaǵy rekordtyq deńgeıdi baǵyndyrdy, dep jazady russian.rt.com.
Deutsche Welle basylymynyń jazýynsha, Germanııa eknomıkasynyń ósimine joǵary memlekettik kirister men bosqyndardyń ornalasýy da oń yqpal etti. Sonymen qatar ekonomıka ósimine tutynýshylyq jáne qurylys salasyndaǵy suranystardyń da áseri boldy.
Commerzbank bankiniń bas ekonomısi Iorg Kremerdiń pikirinshe, Germanııanyń ekonomıkalyq ósimi bıylǵy jyldyń birinshi toqsanynda shetel arqyly suranystardyń artýyna baılanysty jalǵasa beredi.
