Germanııa Egıpetke qarjylyq kómekti qysqartady
ASTANA. 17 tamyz. QazAqparat - Germanııa Egıpetke osy arab elinde azamattyq janjal shıelenisýine baılanysty qarjylyq kómekti qysqartpaq.
Bul týraly RBK habarlady.
Nemis úkimetiniń sheshimi týraly GFR kantsleri Angela Merkel Frantsııa prezıdenti Fransýa Ollandpen telefon arqyly áńgimesinen keıin jarııalady.
A.Merkel búkil Eýroodaq osyndaı qadam jasaýy qajet dep sanaıdy. Sonymen birge A.Merkel men F.Olland Egıpettegi qantógisti toqtatýdy talap etti jáne janjalǵa qatysýshy taraptardy dıalogqa shaqyrdy.
Óz kezeginde GFR-diń ekonomıkalyq yntymaqtastyq jáne damý jónindegi mınıstri Dırk Nıbel júzege asyrýǵa 25 mln. eýro kóleminde bıýdjet qarjysy kózdelgen klımatty jáne qorshaǵan ortany qorǵaý isindegi yntymaqtastyqtyń nemis-egıpet baǵdarlamasy merziminen buryn toqtatylatynyn jarııalady.
Osy sheshim nátıjesinde bosatylǵan 15 mln. qarjyny Berlın Iordanııadaǵy sırııalyq bosqyndardy qoldaýǵa baǵyttaıdy, dedi D.Nıbel.
Sonymen birge ol Germanııa sýmen jáne elektrmen qamtý salasyndaǵy birlesken jobalardy, sondaı-aq Egıpettegi demokratııa men adam quqyqtaryn nyǵaıtýǵa baǵyttalǵan jobalardy qarjylandyrý dy jalǵastyratynyn málimdedi. 2012 jyly mınıstrlik bul maqsattarǵa 100 mln. eýro bóldi.
