Germanııa depýtattary QR men GFR arasyndaǵy parlamentaralyq yntymaqtastyqtyń joǵary deńgeıin atap ótti
ASTANA. QazAqparat - QR GFR-daǵy Elshisi B.Núsipov Býndestag Syrtqy ister, qorǵanys jáne qaýipsizdik komıtetiniń tóraǵasy Norbert Rettgenmen kezdesti.
Kelissózder barysynda halyqaralyq kún tártibiniń máseleleri, BUU sheńberinde kópjaqty yntymaqtastyqty keńeıtý jáne eki eldiń parlamenttik dıplomatııasyn ári qaraı damytý suraqtary talqylandy, dep habarlaıdy QR SІM baspasóz qyzmeti.
Qazaqstandyq dıplomat nemis depýtatyn 2017-2018 jyldardaǵy BUU-nyń Qaýipsizdik Keńesiniń turaqty emes músheligine QR ótiniminiń negizi bolǵan BUU Bas Assamleıasynyń 70-shi mereıtoılyq sessııasy sheńberinde Elbasy kótergen syrtqy saıasat bastamalarymen habardar etip, «100 qadam» Ulttyq josparynyń, «Nurly jol - bolashaqqa jol» Jańa ekonomıkalyq saıasatynyń negizgi maqsattary men mindetterimen tanystyrdy.
Nemis tarapy BUU sheńberinde Qazaqstannyń halyqaralyq bastamalaryna, onyń ishinde Elbasynyń «Jańa bolashaq» tujyrymdamasyn jasaýmen qosa Jahandyq strategııalyq bastama - 2045 josparyn ázirleý, Birikken Ulttar Uıymynyń Ekonomıkalyq jáne áleýmettik keńesin Jahandyq damý keńesine aınaldyrý jáne ıadrolyq qarýdan erkin beıbitshilikke qol jetkizý jónindegi BUU-nyń Jalpyǵa ortaq deklaratsııasyn qabyldaý jónindegi usynystaryna joǵary baǵa berdi.
Osy kúni eki eldiń parlamenttik dıplomatııasyn ári qaraı damytý maqsatynda Qazaqstannyń Elshisi Býndestag depýtattary - «Germanııa - Ortalyq Azııa» Parlamenttik tobynyń múshelerimen kezdesý ótkizdi.
Kelissózder barysynda nemis parlamentshileri ekijaqty parlamentaralyq yntymaqtastyqtyń deńgeıin, eki el basshylyqtary saparlarynyń jáne QR jáne GFR parlamettik toby qyzmetiniń eleýli dınamıkasyn atap ótti. Nemis depýttatary kelesi jyldyń kókteminde Qazaqstanǵa barý jónindegi ózderiniń josparlary jóninde málim etti.
