Germanııada biraz salada jumys oryndary qysqarady
ASTANA. KAZINFORM — Nemis kompanııalary qyzmetkerlerdi qysqartýdy jalǵastyryp, jańa mamandardy jumysqa alýda saqtyq tanytyp jatyr. Bul týraly ifo Ekonomıkalyq zertteýler ınstıtýtynyń saýalnamasynda belgili boldy, dep habarlaıdy DW.
Sarapshylar jumyspen qamtý ındeksi koronavırýstyq pandemııa qyzyp turǵan 2020 jyldyń mamyrynan beri eń tómengi deńgeıge deıin jetkenin atap ótti. Jumys oryndaryn qysqartý barlyq salalarǵa, ásirese kıim óndirýshilerge áser etedi. Qyzmet kórsetý salasynda, bólshek saýdada da sharýa baıaý júrip jatyr. Qurylysta jappaı qysqartýlar josparlanbaǵan, biraq jańa jumysshylarǵa suranys joq.
Sonymen qatar, zertteýde oń úrdister de atap ótildi. Týrızm jáne konsaltıngtik salalardaǵy jumys berýshiler jańa jylda jumys kúshin keńeıtýdi josparlap otyr.
Aıta keteıik, 2026 jyldan bastap Germanııada jumyssyzdarǵa arnalǵan jańa tólem júıesi kúshine enedi.