Germanııa bosqyndarǵa kómekke $2,5 mlrd bóledi
ASTANA. QazAqparat - Germanııa 2018 jylǵa deıin sırııalyq bosqyndarǵa kómekke 2,5 mıllıard dollar bóledi. Bul týraly nemis kantsleri Angela Merkel Londondaǵy donor elderdiń konferentsııasy barysynda málimdedi, dep habarlady www.24.kz.
«Sırııadaǵy soǵys 300 myń adamnyń ómirin jalmady. Mıllıondaǵan turǵyn bosqynǵa aınaldy. Biz ýaqyt joǵaltpaýymyz kerek, qazir artyq bir mınýt ta joq. Máseleni sheshýdiń saıası jolyn tez arada tabýǵa tıispiz. Adamdarǵa kómek aýadaı qajet. Osy arada Iordanııa, Lıvan jáne Túrkııa bılikterine mıllıondaǵan sırııalyq bosqyndy qabyldaǵandary úshin raqmet aıtqym keledi», - dedi Germanııa Kantsleri Angela Merkel.
Londonda Sırııa boıynsha donor elderdiń halyqaralyq konferentsııasy ótti. Jıynǵa BUU, Ulybrıtanııa, Germanııa, Kýveıt pen Norvegııa muryndyq bolǵan. Basqosýǵa qatysýshylar Sırııa men oǵan kórshiles memleketterdegi gýmanıtarlyq operatsııalardy júrgizý úshin qarjylaı qoldaý kórsetý barysyn talqylady.
