Germanııa bolashaqta da Qazaqstannyń aınymas seriktesi bolyp qala beredi - Ioahım Gaýk
ASTANA. QazAqparat - Nursultan Nazarbaevtyń atyna Germanııa Prezıdenti Ioahım Gaýkten quttyqtaý jedelhaty kelip tústi, dep habarlaıdy Aqordanyń baspasóz qyzmeti.
Ioahım Gaýk Nursultan Nazarbaevty prezıdenttik saılaýdaǵy jeńisimen quttyqtady.
«Sizge eldiń halyqaralyq arenadaǵy belsendi qyzmetine jáne quqyqtyq memleket pen demokratııa qaǵıdattaryn damytýǵa baılanysty aldaǵy maqsattaryńyzdy júzege asyrý jolynda tabys tileımin. Qazaqstannyń jáne búkil óńirdiń aldynda zor syn-qaterler tur. Germanııa bolashaqta da ekonomıka men qoǵamdy jańǵyrtý isinde Sizdiń eldiń aınymas seriktesi bolyp qala beretinine senimdi bolyńyz», - delingen jedelhatta.
