Germanııa bıligi Qazaqstan azamatynyń balasyn tartyp aldy
ASTANA. QazAqparat - Qyzyn jazalaǵany úshin Germanııa bıligi Qazaqstan azamatynyń kishkentaıyn tartyp aldy, dep habarlaıdy QazAqparat tilshisi.
«Bul jaǵdaı birneshe apta buryn bolǵan. Qazirgi tańda balanyń anasy sotqa júginý úshin advokatpen birge barlyq qujattardy jınap jatyr. Germanııadaǵy erejege sáıkes, ata-analar balasyn jazalamaýy kerek. Qazir tergeý júrip jatyr. Jetkinshek qyz balalar úıinde. Otbasyn bir-birimen qaýyshtyrý úshin bar kúsh-jigerimizdi salamyz. Bizdiń konsýl balaǵa baryp qaıtty, anasymen de tikeleı baılanysta», - dedi QR SІM resmı ókili Aıbek Smadııarov búgingi brıfıng barysynda.
Onyń aıtýynsha, «nemis bıliginiń málimetine sáıkes, anasy balasyn mektepke barar aldynda jazalaǵan-mys. Óz kezeginde kishkentaı qyz ol týraly mektepke aıtyp barǵan».
