Germanııa bıligi mıgratsııany shekteıtin jańa júıe engizdi
Germanııa bıligi mıgratsııany shekteıtin jańa amaldardy oryndaýǵa kelisti. Olaf Sholts Italııanyń úlgisin negizge ala otyryp shetelden pana berý týraly ótinishterdi qaraıdy. Kazinform bul týraly Euronews agenttigine silteme jasap habarlaıdy.
Germanııa kantsleri Olaf Sholts pen 16 federaldyq jer jetekshileri mıgratsııany shekteıtin jańa sharalardy oryndaýǵa kelisti. Daýly máselelerdiń biri pana suraıtyndardyń shyǵynyn óteý bolatyn, federaldyq úkimet oǵan kómektesýge kelisti.
«Ortaq mindetimiz – zańsyz mıgratsııany toqtatý. Belgilisi, Eýropanyń syrtqy elderiniń budan da tıimdi qorǵanysy kerek jáne biz mıgranttardy Eýropaǵa júıelep taratýymyz qajet. Sol sebepti búgingige qaraǵanda jeńil repatrıatsııamen qamtamasyz etýge kúsh salǵanymyz abzal. Ol úshin olar kelgen el jáne tranzıttik eldermen mıgratsııalyq kelisim jasaý negizgi shart sanalady», - dep atap ótti Germanııa kantsleri Olaf Sholts.
Sondaı-aq Sholts shetelden pana suraıtyndardyń ótinishin qarastyrýǵa ýáde berdi. Jaqynda ǵana Rım men Tırana kelisimge kelip, sonyń aıasynda Italııa Albanııada bosqyndarǵa arnalǵan ortalyqtar salyp, ol jerge Jerorta teńizinen qutqarylǵan mıgranttardy jiberip otyrý týraly sheshimge keldi. Sholf Italııa úlgisin negizge alatynyn aıtty.
