Germanııa azamaty Ózbekstannyń Innovatsııalyq damý vıtse-mınıstri bolyp taǵaıyndaldy

TAShKENT. QazAqparat - Ózbekstan Prezıdentiniń buıryǵymen Germanııa azamaty Karsten Haınts Ózbekstan Respýblıkasynyń Innovatsııalyq damý mınıstriniń orynbasary atandy, dep habarlaıdy QazAqparattyń menshikti tilshisi.

Ózbekstannyń Innovatsııalyq damý mınıstrligi baspasóz qyzmetiniń málimdeýinshe, Karsten Haınts eńbek jolyn 1985 jyly Germanııanyń Arheologııa jáne ejelgi tarıh ınstıtýtynda bastaǵan. 1991 jyldan qazirgi ýaqytqa deıin Germanııanyń Ǵylymı zertteýler jáne bilim mınıstrligi júıesinde qyzmet etip keledi. Sondaı-aq, 4 jyl Máskeýdegi Germanııa elshiliginde Ǵylym jáne bilim bóliminiń basshysy retinde dıplomatııalq qyzmet atqarǵan. Sonymen qatar, K. Haınts Ejelgi Armenııa tarıhy boıynsha ǵylymı eńbektiń avtory.

2013 jyldan beri Germanııanyń Bilim jáne ǵylymı zertteýler mınıstrliginiń «Maks Plank atyndaǵy Qoǵam, Frangoýfer atyndaǵy Qoǵam, ǵylymı zertteýlerdiń ınnovatsııalyq baǵdary» bólimi basshysynyń orynbasary retinde qyzmet atqarǵan.

Sonymen qatar, K. Haınts - Germanııanyń energetıka salasyn zertteýmen aınalysatyn ǵylymı mekemelerdi úılestirý júıesiniń tájirıbeli mamany.