Germanııa Aýǵanstan azamattaryn jappaı deportatsııalap jatyr
ASTANA. KAZINFORM – Germanııa bıligi Leıptsıg/Galle áýejaıynan Kabýlǵa charterlik reıspen Aýǵanstannyń 23 azamatyn deportatsııalady. Bul týraly DW jazdy.
Germanııa Іshki ister mınıstrliginiń X áleýmettik jelisindegi málimetinshe, elden shyǵarylǵandardyń basym bóligi aýyr qylmystar, sonyń ishinde seksýaldyq sıpattaǵy zorlyq-zombylyq pen dene jaraqatyn salǵany úshin sottalǵan.
Mınıstrlik ókili AFP agenttigine qalǵan deportatsııalanǵan azamattardyń da buǵan deıin quqyq qorǵaý organdarynyń nazaryna ilikkenin aıtty. Elden shyǵarý rásimi tolyǵymen aıaqtalǵan.
25 tamyzdaǵy reısti esepke alǵanda, qazirgi Germanııa úkimeti tusynda elden shyǵarylǵan Aýǵanstan azamattarynyń sany 228 adamǵa jetti.
– Qoǵamymyz qylmys jasaǵan adamdardyń elimizden ketkenine múddeli. Germanııada turýǵa quqyǵy joq árbir adam elden ketýge týra kelýi múmkin ekenin túsinýi kerek. Biz bul saıasatty dáıekti túrde júrgizip kelemiz, – dedi Germanııa Іshki ister mınıstri Aleksander Dobrındt.
Deportatsııadan bir kún buryn Leıptsıg/Galle áýejaıynda bul sharaǵa qarsy aktsııa ótken.
«Deportatsııaǵa qarsy alıans» ókili Kaı Adıl Aýǵanstannan Germanııaǵa pana izdep kelgen adamdardyń Talıban bıligine qaıtarylyp jatqanyn synǵa aldy. Onyń aıtýynsha, elge qaıtarylǵandarǵa oqshaýlaný, azaptaý nemese ólim qaýpi tónýi múmkin.
Aıta keteıik, buǵan deıin AQSh-tan taǵy 18 ózbekstandyq deportatsııalanǵanyn jazdyq.
Sondaı-aq AQSh Lıberııaǵa alǵashqy deportatsııasyn júzege asyrǵanyn habarladyq.
