Germanııa áýe kompanııasynyń qyzmetkerleri taǵy da ereýilge shyqty
ASTANA. KAZINFORM – Lufthansa áýe kompanııasynyń jerdegi qyzmetkerleri qaıtadan ereýilge shyǵyp, saldarynan júzdegen reıster toqtatyldy, dep habarlaıdy Euronews.
Germanııanyń eń iri Lufthansa áýe kompanııasynyń jerústi qyzmetiniń jumysshylary kezekti eskertý ereýilin ótkizip jatyr. Ol sársenbi kúni tańǵy 7-ge deıin jalǵasyp, shamamen 100 myń jolaýshyǵa áser etken.
Narazylyq sharasyna Maındaǵy Frankfýrt, Mıýnhen, Gambýrg, Berlın, Dıýsseldorf, Bonn jáne Shtýtgart áýejaılarynda logıstıka, júk tasymaldaý jáne aqparattyq tehnologııalar salasynda jumys isteıtin qyzmetkerler shyqty.
«Meniń oıymsha, bul qalypty jaǵdaı, óıtkeni jumys berýshi óz erkimen kelip, artyq aqsha usynbaıdy, qandaı da bir tutqa bolýy kerek», — dedi narazylyq sharasyna shyqqan er adam.
«Kez-kelgen adam ereýilge shyǵýy kerek, alaıda uıymshyldyq jetispeıtinin túsinbeımin. Eger erteń kelissózder bolatyn bolsa, sony kútýge bolar edi», — dep bólisti oıymen er adam.
Kásipodaqtar áýe kompanııasynyń jerdegi qyzmetkerleriniń jalaqysyn 12,5%-ǵa kóterýdi talap etip otyr, al kompanııa bir jyl ishinde ony 10%-ǵa arttyrýǵa daıyn.
«Sońǵy eki-úsh jyl tipti jerdegi qyzmetkerler úshin de óte qıyn boldy delik. Al jumys berýshi tarapynan salystyrmaly túrde áreket az. Sheshim bir sátte qabyldandy: «Jeter!» Kópshilik adam úshin usynys, qurǵaq ýáde azdyq etedi.yntymaqty bildiredi. Al biz óz ustanymymyzǵa berik bolamyz», — deıdi belsendi.
Aqpan aıynyń basynda Lufthansa qyzmetkerleriniń ereýili Frankfýrt pen Mıýnhen áýejaılarynyń jumysyn toqtatty. Ol kezde 900-ge jýyq reıs toqtatyldy.
Jalaqy boıynsha kelissózder sársenbide jalǵasady.
