Germanııa áskerge jedeldetilgen satyp alý týraly zań qabyldamaq

ASTANA. KAZINFORM – Germanııa NATO elderiniń áskerge bóletin qarjysyn ishki jalpy ónimniń 5 paıyzyna deıin jetkizý týraly AQSh-tyń bastamasyna qoldaý bildirýge daıyn. Bul týraly eldiń Syrtqy ister mınıstri Iohann Vadefýl alıans mınıstrleriniń Túrkııada kezdesýinde aıtty, dep habarlaıdy  BILD.

Jospar boıynsha ishki jalpy ónimniń 3,5 paıyzy dástúrli áskerı shyǵyndarǵa ketedi, al 1,5 paıyzy ásker ınfraqurylymdy jańartýǵa jumsalady.

Kantsler Frıdrıh Mertstiń esebi boıynsha, bul Germanııa jylyna áskerge 225 mlrd eýro bólip otyrady degen sóz. Іshki jalpy ónimniń qazirgi jaǵdaıynda bul federaldy bıýdjettiń jartysyna jýyqtaıdy.

Soǵan qaramastan koalıtsııalyq kelisimde tek qarjy bólý ǵana az ekendigi aıtylǵan. Býndesverdegi bıýrokratııa saldarynan iri satyp alýlar men reformalardy júrgizý qıyn bolyp otyr. Osyǵan baılanysty úkimet jaqyn aılarda «josparlaý men satyp alýdy jedeldetý týraly» zań qabyldaǵaly otyr.

- Eger saıasatkerler qajetti sharttardy qalyptastyratyn bolsa, ónerkásip kerektiniń bárin jetkizip bere alady, - dedi Rheinmetall basshysy Armın Papperger BILD tilshisimen áńgime barysynda.

Soǵan qaramastan problemalar tereńde jatyr. Germanııaǵa qazir kazarmalar, qarý-jaraq pen ádiskerler jetispeıdi, deıdi Býndesver isteri jónindegi ókil Hans-Peter Bartels.

- Árıne, osy ýaqytqa deıin áskerdiń sany qysqartylyp keldi, endi olar jetispeı jatyr, -  dedi ol BILD tilshisimen sáńgime barysynda.

Osyǵan deıin Germanııa BUU jelisi boıynsha bosqyndardy qabyldaýdy ýaqytsha toqtatqany týraly jazdyq.