Germanııa Argentınany 4:0 esebimen utty
ASTANA. Shildeniń 4-i. QazAqparat - Ońtústik Afrıka Respýblıkasynda ótip jatqan fýtboldan álem chempıonatynyń shırek fınalynda Germanııa Argentınany 4:0 esebimen utty.
Oıynnyń bastalǵanyna ne bári 3-aq mınýt ótken kezde nemis jartylaı qorǵaýshysy Tomas Mıýllerdiń baspen baǵyttaǵan doby Romero qorǵaǵan qaqpada týlap jatty. Osydan keıin de eki jaqta da urymtal sátter bolǵanymen oıynnyń birinshi bólimi nemisterdiń basymdyǵymen aıaqtaldy. Ekinshi taımda da nemister tamasha oıyn órnegin kórsetip, 68-shi mınýtta shabýylshy Mıroslav Kloze, araǵa 6 mınýt salyp Bastıan Shvaınshtaıgerdiń ádemi shyǵarǵan pasyn qorǵaýshy Arne Frıdrıh qaqpaǵa dál baǵyttady. Al oıynnyń aıaqtalyna sanaýly sátter qalǵan mezette nemis shabýylshysy Mıroslav Kloze Argentına qaqpasyna jaýapsyz 4-shi goldy soqty.
Nemistiń ulttyq fýtbol sańlaqtaryn tamasha jeńisimen chempıonat oıynyna qatysqan GFR kantsleri Angela Merkel quttyqtady.
