Germanııa aptap ystyqqa baılanysty sýdy únemdeı bastady
ASTANA. KAZINFORM — Aptap ystyq pen qurǵaqshylyqqa baılanysty Germanııanyń 100-den astam qalasy men aýdanynda sýdy tutynýǵa shekteý engizildi.
Report agenttiginiń habarlaýynsha, sý tapshylyǵy qys pen kóktemde jaýyn-shashynnyń az túsýinen, ózenderdegi sý deńgeıiniń tómendeýinen jáne birneshe ret qaıtalanǵan aptap ystyqtan týyndaǵan.
Atap aıtqanda, Mıýnhende baqtaǵy basseınderdi sýǵa toltyrýǵa, kógaldardy sýarýǵa jáne avtokólik jýýǵa tyıym salyndy. Gannoverde aýa temperatýrasy 27 gradýstan asqan kezde baqtardy sýarýǵa bolmaıdy. Al Potsdamda memlekettik saraı baqtaryn sýarý toqtatyldy.
Qazirdiń ózinde shekteý engizilgen 109 qala men aýdannyń basym bóliginde bul sharalar aýyl sharýashylyǵyna áser etti. Atap aıtqanda, egistik alqaptaryn sýarý úshin ózender men kólderden sý alýǵa tyıym salynǵan.
Mıýnhen tehnıkalyq ýnıversıtetiniń professory Iorg Drevestiń aıtýynsha, Germanııa tazartylǵan aǵyndy sýlardy qaıta paıdalaný tájirıbesin keńinen engizip, sýmen jabdyqtaý ınfraqurylymyn damytýǵa kóbirek ınvestıtsııa salýy qajet. Onyń sózinshe, elde sý qory tolyq taýsylý qaýpi joq bolǵanymen, jekelegen óńirlerde sý tapshylyǵy týyndaýy múmkin.
Eske salaıyq, Germanııada bıyl aptap ystyqtan 9,8 myńǵa jýyq adam kóz jumdy.
