Germanııa «Altyn adam» jádigerimen kórme uıymdastyrýǵa nıetti
«Altyn adam» jádigeri 2017-2020 jyldar aralyǵynda «Altyn adamnyń álem mýzeılerine sherýi» atty halyqaralyq jobasy aıasynda uıymdastyrylǵan 12 memlekette kórmege qoıyldy. Atap aıtqanda, Reseı, Belarýs, Qytaı, Ázerbaıjan, Polsha, Ońtústik Koreıa, Ózbekstan, Soltústik Makedonııa, Túrkııa, Malaızııa, Gretsııa jáne Úndistan. Aldaǵy ýaqytta usynystardyń túsýine baılanysty «Altyn adam» men mýzeıdegi tarıhı qundylyǵy bar jádigerlerdi shet memleketter kórmelerine shyǵarý josparda bar. Naqtyraq aıtsaq, 2023 jyly 20 maýsymda ulttyq mýzeıge saparmen kelgen Germanııanyń Federaldy prezıdenti Frank-Valter Shtaınmaıer «Altyn adamǵa» qyzyǵýshylyq tanytyp, kórmeni Germanııada uıymdastyrý týraly oıyn bildirdi», - delingen jaýapta.
Málim etilngendeı, 1970 jyly Almaty oblysynyń Esik qorǵanynan tabylǵan, b.d.d. V–ІV ǵǵ tıesili Altyn kıimdi saq jaýyngeriniń («Altyn adam») túpnusqasy halyqaralyq mýzeı standartyna sáıkes Ulttyq mýzeıdiń arnaıy qorynda saqtaýly tur.
Saq patshasyna tıesili bul olja jalpy sany 4 myń danadan turatyn áshekeı buıymdarmen bezendirilgen.