Germanııa AQSh, Frantsııa jáne Ulybrıtanııamen aradaǵy telekommýnıkatsııa torabyn baqylaý týraly kelisimnen shyǵatynyn málimdedi
ASTANA. 3 tamyz. QazAqparat - Germanııa úkimeti 1968 jyly AQSh, Frantsııa jáne Ulybrıtanııamen birge jasaǵan telekommýnıkatsııa torabyn baqylaý týraly kelisimnen shyǵatynyn málimdedi.
Osy aptada brıtan jáne nemis basylymdary Reseıden ýaqytsha baspana alǵan AQSh ulttyq qaýipsizdik agenttiginiń burynǵy qyzmetkeri Edvard Snoýdenge silteme jasap, AQSh-tyń barlaý qyzmetiniń telefon baılanystary men ınternetti qalaı baqylaıtyny týraly jańa derekter jarııalaǵan edi.
Azamattardyń hat jazý, sonymen birge poshta jáne telefon baılanysy qupııasyn shekteý týraly zań Germanııada 1968 jyly qabyldanǵan. Sol jyly AQSh, Ulybrıtanııa jáne Frantsııamen jasalǵan kelisim boıynsha, Vashıngton, London men Parıj Germanııanyń konstıtýtsııany qorǵaý jónindegi federaldy mekemesi men federaldyq barlaý qyzmetinen (BND) ózderi suratqan aqparatty alý múmkindigine ıe boldy.
Germanııa resmı ókilderiniń aıtýynsha, 1990 jyly eki Germanııa birikken soń joǵaryda atalǵan kelisim boıynsha eshqandaı ótinish túspegen, dep habarlaıdy «Azattyq».
