Germanııa AQSh elshisinen tyńshylyqqa qatysty túsinik berýdi talap etti
ASTANA. QazAqparat - GFR SІM ókili Martın Shefer osy aptada Wikileaks uıymy jarııalaǵan aqparat jaıynda naqtyraq aıtqanda, AQSh Ulttyq qaýipsizdik agenttigi GFR Syrtqy ister mınıstri Frank-Valter Shtaınmaıerdi ańdyǵany týraly derek jan-jaqty tergelýi tıis dep málimdedi, dep habarlady Newsru.com.
«Jarııalanymnyń derekterin biz naqty zerdelep, nazarǵa aldyq», - dep málimdedi Shefer. Onyń aıtýynsha, bul tekserýdi qajet etedi, sebebi Wikileaks nemese osy tárizdes platformalardyń habarlaǵanyna kózsiz sene salýǵa bolmaıdy. «Alaıda, bul eger shyn bolsa, onda olar qatelik jasady», - dep málimdedi ol. «Wikileaks» jáne «Sueddeutsche Zeitung» gazetindegi jarııalanymǵa qatysty stats-hatshy (Shtefan) Shtaınlıaın keshe AQSh elshisi Emersonmen baılanysty», delingen aqpart kózi taratqan málimitte. Ol atalǵan másele jáne ózge de jaǵdaı boıynsha AQSh taraby tergeý júrgizip, túsinik berý qajettigin málimdedi.
