Germanııa 26 jyldan keıin shahmat Olımpıadasynda medal ıelendi
ASTANA. KAZINFORM — Germanııa quramasy Ózbekstanda ótip jatqan Dúnıejúzilik shahmat olımpıadasynda qola júldege ıe boldy. Nemis shahmatshylary úshin bul 2000 jyldan beri Olımpıadadaǵy alǵashqy medal, dep habarlaıdy DW.
Erler arasyndaǵy jarysta Ózbekstan quramasy jeńimpaz atandy. Ekinshi oryndy Úndistan komandasy ıelense, Germanııa quramasy úshinshi orynǵa turaqtady.
Jarys bastalar aldynda Germanııa quramasy júldege basty úmitkerlerdiń qatarynda bolmaǵan. Soǵan qaramastan, nemis shahmatshylary týrnırdi júldeli orynmen aıaqtady.
Germanııa quramasy sońǵy ret 2000 jyly Olımpıada júldesin jeńip alǵan. Sol kezde komanda kúmis medal ıelengen.
Buǵan deıin Qazaqstan qyzdar quramasy shahmat Olımpıadasynda TOP-3-tegi ornyn saqtap qaldy.
