German Gref pen Djek Ma Astana qarjy ortalyǵy keńesiniń músheligine enip otyr
ASTANA. QazAqparat - «Astana» halyqaralyq qarjy ortalyǵynyń basqarýshy dırektory Saıasat Nurbek ortalyqtyń halyqaralyq basqarýshy keńesiniń múshelerin jarııa etti, dep habarlaıdy QazAqparat.
«Astana» halyqaralyq qarjy ortalyǵynyń joǵary basqarý organy halyqaralyq basqarýshy keńesi bolyp tabylady. Onyń tóraǵasy - Memleket Basshysy Nursultan Nazarbaev. Onda Premer-Mınıstrdiń orynbasary, Ulttyq ekonomıka mınıstri, Qarjy mınıstri, Ulttyq bank tóraǵasy múshelik etedi. Barlyq qarjylyq-ekonomıkalyq blok osynda jınaqtalǵan. Sonymen qatar halyqaralyq uıym basshylary da bar - Eýropalyq qaıta qurý jáne damý bankiniń dırektory, Halyqaralyq valıýta qorynyń dırektorlar keńesiniń tóraǵasy, JP Morgan dırektorlar keńesiniń tóraǵasy, Reseı Sberbankiniń tóraǵasy German Gref, «Alibaba Group» kompanııasynyń dırektorlar keńesiniń basshysy Djek Ma.
Ortalyqty basqarý kezinde týyndaǵan aǵymdaǵy suraqtar paıda bolǵan kezde, sheteldik iri kompanııalar, iri bankter men halyqaralyq qarjy uıymdary ózderiniń pikirlerin ashyq aıta alady. Árıne, atalmysh suraqtardy saralaı kele, túpki sheshimdi Memleket basshysy shyǵarady», - dedi Saıasat Nurbek.
Eske sala keteıik, Ult josparynda QR Prezıdenti Nursultan Nazarbaev Astanada ınvestıtsııalyq máselelerdi sheshetin halyqaralyq arbıtraj ortalyǵyn qurýdy tapsyrǵan bolatyn. Tek aǵylshyn tilinde is júrgizetin qarjylyq sotta anglosaksondyq quqyq júıesi qoldanylady. Bunyń aldynda, S. Nurbek Astanadaǵy halyqaralyq sotta tek brıtandyq sýdıalar jumys isteıtindigin habarlaǵan bolatyn.
