Gerbıtsıdtermen qamtamasyz etý boıynsha qarjylaı kómek 19 ese artady - A.Mamytbekov
ASTANA. 20 aqpan. QazAqparat - Aǵymdaǵy jyly fermerlerdi gerbıtsıdtermen (aram shópke qarsy hımııalyq qospalar) qamtamasyz etý boıynsha sýbsıdııalaý kólemi 19 esege artady.
Bul týraly búgin QR Fermerleri odaǵynyń keńeıtilgen májilisinde QR Aýyl sharýashylyǵy mınıstri Asyljan Mamytbekov málim etti.
Mınıstrdiń sózine qaraǵanda, buǵan deıin gerbıtsıdterdi satyp alý barysynda tek keıbir sharýa qojalyqtaryna ǵana memlekettik qoldaý jasalsa, bıyldan bastap barlyǵy qarjylaı kómekke ıe bolady. «Ony biz zańmen bekittik. Eger ótken jyly fermerlerdi gerbıtsıdtermen qamtamasyz etý boıynsha sýbsıdııalaýdyń kólemi 1 mlrd. teńgeden assa, bıyl bul kórsetkish 20 mlrd.-qa deıin jetip otyr. Demek, memlekettik qarjy resýrstary 19 esege artty», - dep atap kórsetti A.Mamytbekov.
Aıta ketken jón, búginde Qazaqstanda gerbıtsıd óndiretin birde-bir kásiporyn joq. Sol sebepti memleket tarapynan fermerlerge qarjylaı kómek berilip otyr.
